Estoniyanın Xarici Kəşfiyyat Xidmətinin baş direktoru Kaupo Rosin Rusiyanın Baltik ölkələrinə və ümumilikdə NATO üzvlərinə hücum etmək niyyətində olmadığını bildirib.
Cagdas.az xəbər verir ki, Rosin bu fikirləri ERR milli televiziya kanalına verdiyi müsahibədə səsləndirib. Onun sözlərinə görə, hazırkı vəziyyət göstərir ki, Moskvanın nə Baltik ölkələrinə, nə də NATO-ya qarşı hərbi əməliyyat planı mövcuddur. O əlavə edib ki, Rusiya NATO-ya hörmətlə yanaşır və açıq qarşıdurmadan yayınmağa çalışır.
Xatırladaq ki, dekabrın 17-də Rusiya Prezidenti Vladimir Putin Müdafiə Nazirliyinin geniş tərkibli iclasında Avropa siyasətçilərini Rusiyayla mümkün toqquşmanın qaçılmazlığı barədə cəmiyyətdə qorxu yaratmaqda ittiham edib. Putin Avropaya mümkün Rusiya hücumu ilə bağlı iddiaları “yalan və xülya” adlandırıb.
