Çağdaş.Az bildirir ki, məhsulun əldə edilməsinin çətinliyi və təhlükəli olması onun qiymətinin yüksək olmasının əsas səbəbləri kimi göstərilir.
Adətən avqust və sentyabr aylarında kənd sakinləri tərəfindən toplanan qatranı əldə etmək xüsusi bacarıq tələb edir. Hündürlüyü 15-20 metrə çatan ağaclara dırmaşan insanlar qatranı bıçaq vasitəsilə ehtiyatla, bir-bir yığırlar.
Artvində 27 ildir ailə biznesi ilə məşğul olan Erkan Büyük şam ağacı qatranının bölgədə keçmişdən bu günə qədər qorunub saxlanılan ənənəvi məhsullardan biri olduğunu bildirib:
“Bu məhsul dağlıq ərazilərdəki ağaclardan bir-bir toplanır. Onun yığılması olduqca zəhmətli işdir. Çox əmək tələb etməsi qiymətinin yüksək olmasının əsas səbəblərindən biridir. 50 yaşdan yuxarı insanlar bu cür məhsullara daha çox maraq göstərirlər. Mədə problemi olan şəxslər isə şam ağacı qatranını balla qarışdırırlar. Onlar bu qarışımı səhər acqarına və ya axşam yatmazdan əvvəl qəbul etdikdə narahatlıqlarının azaldığını söyləyirlər”./Musavat.com/
