Son dəqiqə
Dünyanın ən qorxunc şəhəri: İnsanda depressiya yaradır – FOTO “”Hollivud”a dəvət alan ilk azərbaycanlı aktyoram” – (Video) Zidan Arda Gülərə heyran qaldı: “Çox yüksək səviyyəli futbolçudur” Bal yarmarkasının tarixi və yeri dəyişdirilib Sağ olan Milli Qəhrəmanların sayı 14-dən 13-ə düşdü – ADLAR Bakı meriyasında bir sıra şöbələr ləğv edildi, yeniləri yaradıldı Azərbaycan Beynəlxalq Telekommunikasiya İttifaqının Şurasına üzv seçilib İxtisarlar etmək əvəzinə, özəl sektorda yüz minlərlə iş yerləri yaradılsın Narkoloji müayinəyə dair yeni tələb müəyyənləşir Yollarda görünüş məsafəsi məhdudlaşacaq

Hərbi xidmətin müddətinin azaldılması ilə bağlı AÇIQLAMA

Cəmiyyət

Azərbaycanda hərbi xidmət müddətinin gələcəkdə azaldılması və ya ödənişli hərbi xidmət modelinin tətbiqi ilə bağlı müzakirələr zaman-zaman gündəmə gəlir. Xüsusilə regionda və dünyada təhlükəsizlik vəziyyətinin mürəkkəbləşməsi fonunda bu məsələnin yaxın perspektivdə aktuallaşıb-aktuallaşmayacağı maraq doğurur.

Bəs hərbi xidmət müddətinin azaldılması və ödənişli hərbi xidmət modelinə keçid yaxın gələcəkdə real görünürmü?

Cagdas.az bildirir ki, mövzu ilə bağlı konkret.az-a danışan hərbi ekspert Ədalət Verdiyev bildirib ki, mövcud geosiyasi və hərbi vəziyyət fonunda belə bir dəyişiklik yaxın perspektivdə real görünmür.

“Dünyanın bir çox yerində kifayət qədər genişmiqyaslı müharibələr, münaqişələr və toqquşmalar davam edir. Bütün səylərə baxmayaraq, bu münaqişələrin miqyası azalmaq əvəzinə daha da genişlənir. Mövcud təhlükəsizlik reallıqları fonunda Azərbaycanın yaxın illərdə hərbi xidmətlə bağlı güzəştlərə getməsi və ödənişli xidmət modelinə keçməsi ehtimalı aşağı qiymətləndirilir”, – deyə ekspert bildirib.

Ə.Verdiyev qeyd edib ki, gələcəkdə regionda təhlükəsizlik vəziyyətinin sabitləşməsi və Azərbaycanın qarşılaşdığı hərbi risklərin azalması fonunda hərbi xidmət müddətinin azaldılması məsələsinə yenidən baxılması mümkündür.

“Təbii ki, gələcəkdə Ermənistanla sülh sazişi imzalandıqdan, münasibətlər tam normallaşdıqdan və ətrafımızda davam edən müharibə, münaqişə və toqquşmalar başa çatdıqdan sonra Azərbaycan bir çox məsələləri, o cümlədən hərbi xidmət müddətinin azaldılmasını müzakirə edə bilər”, – deyə hərbi ekspert vurğulayıb.

Ekspert ödənişli hərbi xidmət modelinin tətbiqi ilə bağlı da ehtiyatlı mövqe nümayiş etdirib. Onun sözlərinə görə, hazırkı təhlükəsizlik şəraitində Azərbaycanda belə bir modelə keçid gözlənilmir.

Beləliklə, hərbi xidmət müddətinin azaldılması və ödənişli hərbi xidmət modelinin tətbiqi daha çox ölkənin gələcək təhlükəsizlik mühitindən asılı məsələ kimi görünür. Regionda davamlı sülh və sabitliyin təmin olunması, hərbi risklərin minimuma endirilməsi gələcəkdə bu istiqamətdə yeni qərarların müzakirəsinə zəmin yarada bilər.