Son dəqiqə
Bakıda güclü külək 68 ağaca ziyan vurub Qızıl-gümüş ucuzlaşdı Bu ərazilərə qar yağır AZAL Sabiha Gökçen Hava Limanına uçmayacaq – RƏSMİ Metro stansiyalara yaxın ərazilərdə evlər bahalaşdı – VİDEO Avtomobil almaq istəyənlər bu xəbəri gözləyirdi: ƏDV dəyişir, qiymətlər necə olacaq? Bakıda evləri sökülən sakinlərə ŞAD XƏBƏR: Hər kvadratmetrə 2800 manat… Taksidən istifadə edənlərə PİS XƏBƏR: bahalaşacaq? – VİDEO Yeni tikililərdə yaşayanların DİQQƏTİNƏ: İşığınız və suyunuz kəsilərsə, dərhal buraya müraciət edin! Paytaxtın xəritəsi dəyişir: Bakının bu 5 istiqamətinə axın başlayır – Binəqədi, Zığ, Hövsan və Qala…

Paşinyanın müavini Azərbaycanla anklavların dəyişdirilməsindən danışdı

Cəmiyyət

Ermənistan və Azərbaycan arasında anklavların mübadiləsi ilə bağlı razılaşma yoxdur.

Cagdas.az  xəbər verir ki, bunu Ermənistan baş nazirinin müavini Mher Qriqoryan İrəvanda keçirilən COP17 tədbiri çərçivəsində jurnalistlərə açıqlamasında bildirib.

M.Qriqoryan Ermənistanın Baş naziri Nikol Paşinyanın anklavların mübadiləsi ilə bağlı müxtəlif variantların müzakirə edildiyinə dair paylaşımını şərh edib.

O vurğulayıb ki, tərəflər arasında bu məsələ ilə bağlı razılaşma əldə olunmayıb.

İrəvanın anklav və eksklav məsələsi ilə bağlı Bakıya hansı təklifi verdiyi barədə suala cavabında isə baş nazirin müavini təfərrüatları açıqlaya bilməyəcəyini deyib.

“Yanaşmalar və prosedurlar aydın şəkildə müəyyənləşdirilib və qaydaya salınıb. Biz təsdiq edilmiş prosedurlar çərçivəsində hərəkət edəcəyik”, – deyə Qriqoryan bildirib.

Anklavların mübadiləsinin nəzərdə tutulub-tutulmadığı barədə suala cavabında o, baş nazirin mətbuat konfransında bütün zəruri izahların artıq verildiyini düşündüyünü qeyd edib.

Xatırladaq ki, Nikol Paşinyan daha əvvəl sərhədin hər iki tərəfində sülhün təmin olunması üçün anklav və eksklavların olmamalı olduğunu bildirib. Onun sözlərinə görə, Azərbaycan və Ermənistan müvafiq əraziləri dəqiq ölçülərinə uyğun şəkildə mübadilə etməlidirlər.

Paşinyan daha sonra mümkün ərazi mübadiləsindən əvvəl keçmiş anklavların yerləşdiyi ərazilərdə delimitasiya prosesinin aparılmasının vacibliyini vurğulayıb.

Ermənistanın baş naziri ərazi mübadiləsinin hüquqi baxımdan mürəkkəb proses olduğunu və təhlil tələb etdiyini də bildirib. Onun sözlərinə görə, bu variant uzun müddətdir müzakirə olunur.\modern.az\