Rusiya Prezidenti Vladimir Putin bildirib ki, ölkədə sabit iqtisadi siyasət təmin olunarsa, xarici investisiyalar da Rusiya iqtisadiyyatına axın edəcək.
Çağdaş.Az bildirir ki, Putin bu fikirləri Şərq İqtisadi Forumunun (EEF) plenar iclasında çıxışı zamanı səsləndirib.
Moderatorun investisiyaların mənbələri ilə bağlı sualını cavablandıran Rusiya lideri deyib:
“Əgər biz sabit iqtisadi şərait yarada bilsək, xarici investisiyalar da ölkəyə gələcək.”
Putin qeyd edib ki, investisiyaların mənbələri çoxşaxəlidir və müxtəlif istiqamətlərdən cəlb oluna bilər.
“Az əvvəl həmkarlarımız onlar üçün böyük maraq kəsb edən layihələrin inkişaf planlarından danışdılar. Rusiya Federasiyasının Uzaq Şərq kimi regionlarına da ciddi maraq mövcuddur. Çıxışımda əməkdaşlıq üçün bir sıra istiqamətləri qeyd etdim, lakin bunlar hamısı deyil. Bunlar uzunmüddətli əməkdaşlıq üçün maraq doğuran sahələrdir”, – deyə Rusiya prezidenti vurğulayıb.
Xəqani Əzizli
