Azərbaycanda mülkiyyət hüququ Konstitusiya və mülki qanunvericilik tərəfindən təminat altına alınır. Vətəndaşlar özlərinə məxsus daşınar və daşınmaz əmlak üzərində sahiblik, istifadə və sərəncam vermək hüququna malikdirlər. Lakin cəmiyyətdə bir çox halda mülkiyyət hüquqlarının hansı sərhədlərə qədər şamil olunduğu haqqında müxtəlif suallar yaranır. Mülkiyyətçi əmlakını satmaq, bağışlamaq və ya başqa formada sərəncam verməkdə sərbəst olsa da, qanunvericilikdə müəyyən istisnalar nəzərdə tutulub. Xüsusilə yaşayış sahələri və daşınmaz əmlakla bağlı hüquqi incəliklər vətəndaşların gündəlik həyatda ən çox rastlaşdığı məsələlərdəndir. Bu sahədə yaranan suallara aydınlıq gətirmək üçün mülkiyyət hüququnun hədləri və hüquqi çərçivələri böyük əhəmiyyət kəsb edir.
Cagdas.az bildirir ki, məsələ ilə bağlı Oxu24.com-a vəkil Könül İsgəndərli açıqlama verib. Vəkil bildirib ki, hər bir şəxs öz mülkiyyətində olan əmlak üzərində sərbəst hüquqlara sahibdir:
“Biz öz əmlakımız üzərində istənilən hüquqa malikik. Əgər əmlak bizim mülkiyyətimizdədir tapılıbsa, ilk növbədə ondan istədiyimiz kimi sahiblik edə, istifadə edə və sərəncam verə bilərik”.
Vəkilin sözlərinə görə, satmaq, bağışlamaq və ya başqa hüquqi əməliyyatlar aparmaq bizim mülkiyyət hüququmuzdan irəli gəlir. Yaşayış sahəsi üzərində mülkiyyət hüququ da daşınmaz əmlak hüquqlarına daxildir.
O qeyd edib ki, lakin nəzərə almaq lazımdır ki, Konstitusiya ilə qorunsa da, mülkiyyət hüququ mütləq deyildir:
“Qanunvericiliyə əsasən, məhkəmə tərəfindən dəymiş ziyanın ödənilməsi, müsadirə və ya digər hüquqi əsaslar olduqda mülkiyyət hüququ üzərinə məhdudiyyətlər qoyula bilər”.
