Azərbaycan toyuq yumurtasının qiymətinə görə dünyada 90-cı pillədə qərarlaşıb.
Cagdas.az xəbər verir ki, bu barədə “Numbeo” məlumat bazasının hazırladığı hesabatda bildirilib.
Araşdırma çərçivəsində dünyanın 101 ölkəsində bir düzünə (12 ədəd) yumurtanın qiyməti təhlil edilib. Məlum olub ki, Azərbaycanda bu məhsulun orta qiyməti 1,60 ABŞ dolları ekvivalentindədir.
Qonşu ölkələrdə vəziyyət necədir?
“Numbeo”nun göstəricilərinə əsasən, Azərbaycan regionda ən aşağı qiymətləri təklif edən ölkədir. Digər ölkələrdəki sıralama və qiymətlər aşağıdakı kimidir:
-
Azərbaycan (90-cı yer): $1,60
-
Rusiya (88-ci yer): $1,66
-
Türkiyə (72-ci yer): $2,10
-
Ermənistan (62-ci yer): $2,41
-
Gürcüstan (60-cı yer): $2,46
Dünyada ən bahalı və ən ucuz qiymətlər
Dünya üzrə ən yüksək qiymət İsveçrədə qeydə alınıb — burada bir düzünə yumurta üçün 7,72 dollar ödəmək lazımdır. Ən sərfəli qiymət isə Hindistandadır: 12 ədəd yumurtanın qiyməti cəmi 89 sent təşkil edir.(Ölkə.Az)
