İsraildə keçirilən son ictimai rəy sorğusunun nəticələrinə əsasən, nə Baş nazir Benjamin Netanyahuın rəhbərlik etdiyi koalisiya bloku, nə də müxalifət düşərgəsi hökumət qurmaq üçün parlamentdə tələb olunan mandat sayına çata bilir.
Çağdaş.Az xəbər verir ki, İsrailin Maariv qəzetinin dərc etdiyi sorğuya görə, oktyabrın 27-də keçiriləcək parlament seçkilərində Netanyahu blokunun 120 yerlik Knessetdə 51 mandat qazanacağı proqnozlaşdırılır.
Sorğunun nəticələrinə əsasən, Netanyahu əleyhdarı partiyaların yaratdığı blokun da 51 deputat mandatı əldə edəcəyi gözlənilir.
Beləliklə, hər iki siyasi düşərgə hökumət formalaşdırmaq üçün zəruri olan 61 mandat həddinə çata bilmir. Bu isə İsraildə koalisiya hökuməti ilə bağlı qeyri-müəyyənliyin davam etdiyini göstərir.
Sorğuya görə, İsrail vətəndaşı olan fələstinliləri təmsil edən partiyaların Knessetdə 14 yer qazanaraq hökumətin formalaşdırılmasında həlledici rol oynaya biləcəyi ehtimal edilir.
Bundan başqa, hansı siyasi bloku dəstəkləyəcəyi bəlli olmayan Reserve Partynin seçki baryerini keçərək 4 mandat əldə edəcəyi proqnozlaşdırılır.
Analitiklər hesab edirlər ki, siyasi dalan davam edər və geniş koalisiya hökuməti qurulmazsa, İsraildə növbədənkənar seçkilərin keçirilməsi yenidən gündəmə gələ bilər.
Sorğu nəticələri Baş nazir Benyamin Netanyahunun baş nazir postuna dəstəyinin də zəiflədiyini göstərir.
Belə ki, respondentlərin 48 faizi baş nazir vəzifəsində keçmiş Baş Qərargah rəisi və Gadi Eisenkota üstünlük verdiyini bildirib. Netanyahuya dəstək verənlərin payı isə 41 faiz təşkil edib.
