Son dəqiqə
Ölkələr Rusiya ilə əməkdaşlığı bərpa edir: BMT-də yeni vəziyyət Gənclərin ipoteka problemi parlamentə DAŞINIR Hakan Fidan Brüsseldə almaniyalı həmkarı ilə görüşüb Əhaliyə şad xəbər: qaz və işıq limitlərinə yenidən baxılması MÜZAKİRƏ EDİLİR Bakıda 5 milyonluq əmlak sahibindən xəbərsiz söküldü – Amma gör kimi məhkəməyə veriblər! KKTC Prezidenti Erhürman İsveç səfiri ilə Kipr məsələsini müzakirə edib Türkiyə ilə Ermənistan arasında müntəzəm yük uçuşları başladı Hörmüz boğazında gərginlik artır: Tankerlərin minaya düşdüyü bildirildi İrandan ABŞ-la bağlı yeni hərbi iddia: MQM-170 yerə endirildi Ermənilər Nəsimi Musayevin işini məhkəməyə göndərdilər

Azərbaycanda ən çox bu xəstəliklərdən əziyyət çəkirlər – RƏSMİ STATİSTİKA

Cəmiyyət

Son illər əhali arasında müxtəlif xəstəliklərin yayılması ilə bağlı statistik göstəricilər diqqət çəkir. 2025-ci ildə də bir sıra xəstəlik qrupları üzrə ilk dəfə diaqnoz qoyularaq qeydə alınan xəstələrin sayında artım müşahidə edilib.

Bəs Azərbaycanda ən çox hansı xəstəliklər üzrə artım qeydə alınıb?

Cagdas.az bununla bağlı Dövlət Statistika Komitəsinə sorğu göndərib.

Komitədən sorğuya cavab olaraq bildirilib ki, 2024-cü ildə ölkə üzrə bütün xəstəliklər üzrə ilk dəfə diaqnoz qoyulmuş xəstələrin sayı 2.870.154 nəfər, 2025-ci ildə isə 2.516.677 nəfər olub.

Qeyd olunan statistikaya əsasən, 2025-ci ildə əvvəlki illə müqayisədə sinir sistemi xəstəlikləri üzrə xəstələrin sayında 18,3 faiz artım müşahidə olunub. Qan dövranı sistemi xəstəlikləri üzrə göstərici 23385 nəfərdən 24719 nəfərə yüksəlib. Göz və gözün əlavə aparatının xəstəlikləri üzrə xəstələrin sayı 129898 nəfərdən 136519 nəfərə, qulaq və məməyəbənzər çıxıntının xəstəlikləri üzrə isə 76957 nəfərdən 81498 nəfərə çatıb.

Həmçinin dəri və dərialtı toxumanın xəstəlikləri üzrə 82391 nəfərdən 86727 nəfərə, sümük-əzələ sistemi və birləşdirici toxumanın xəstəlikləri üzrə isə 63564 nəfərdən 64180 nəfərə artım qeydə alınıb.

Komitənin məlumatında digər rubrikalarda təsnif olunmayan klinik və laborator müayinələr zamanı aşkar edilən simptom, əlamət və normadan kənara çıxma hallarının sayında da artım olduğu göstərilib. Bu göstərici 2024-cü ildə 33188 nəfər olduğu halda, 2025-ci ildə 47615 nəfər təşkil edib.

Digər tərəfdən, bəzi xəstəlik qrupları üzrə azalma müşahidə olunub. Belə ki, tənəffüs orqanlarının xəstəlikləri üzrə göstərici 1 milyon 70918 nəfərdən 841789 nəfərə, infeksion və parazitar xəstəliklər üzrə isə 225716 nəfərdən 148481 nəfərə düşüb.

Ümumilikdə, 2025-ci ildə bütün xəstəliklər üzrə ilk dəfə diaqnoz qoyulmuş xəstələrin sayı 2024-cü illə müqayisədə 12,3 faiz azalıb.

Qeyd edək ki, Dövlət Statistika Komitəsinin təqdim etdiyi göstəricilər ilk dəfə qoyulmuş diaqnozla qeydiyyata alınmış xəstələrin sayını əks etdirib.\sfera.az\