Son dəqiqə
Bakının bu rayonunda mənzillər KƏSKİN UCUZLAŞDI DSK-nın yaydığı məlumat diqqət çəkdi – Gedişhaqqı arta bilər? “Leyla Əliyevanın səfəri bu əlaqələrin möhkəmləndirilməsində mühüm addım olub” – Prezident Azərbaycana gətirilən şokoladlı meyvələrdə uyğunsuzluq aşkarlandı Rusiya Şimal dənizi marşrutu üzrə Çinlə əməkdaşlığı genişləndirməyə hazırdır – PUTİN “Real Madrid” bu oyunçu ilə müqaviləni 2032-ci ilə qədər uzatdı Üçtərəfli görüşdə nələr deyildi… – “Əminəm ki, tarixə düşəcəyik” DİM-in sələfi TQDK-ya kimlər rəhbərlik edib? Türkiyədən Aİ-yə Şengen viza prosedurlarının sadələşdirilməsi çağırışı Bu yerlər Azərbaycan hökumətinə qaytarılır

DSK-nın yaydığı məlumat diqqət çəkdi – Gedişhaqqı arta bilər?

Cəmiyyət

Azərbaycanda mühərrik yağlarının qiymətində artım müşahidə olunur. Dövlət Statistika Komitəsinin məlumatına görə, 2026-cı ilin oktyabrında mühərrik yağının bir litrinin orta istehlak qiyməti 10 manat 8 qəpik təşkil edib. Bu, ötən ilin eyni dövrü ilə müqayisədə 10,8 faiz, ilin əvvəli ilə müqayisədə isə 8,4 faiz çoxdur.

Yaxın aylarda mühərrik yağlarının qiymətində artımın davam etməsi ehtimalı varmı? Avtomobil sahiblərini nə gözləyir?

Cagdas.az –ın məlumatına görə Globalinfo.az-a danışan nəqliyyat eksperti Aslan Əsədov deyib ki, mühərrik yağlarının qiymətinin artması bazara mənfi təsir göstərir:

“Bahalaşmanın əsas nəticələrindən biri nəqliyyat xərclərinin artmasıdır. Bu, taksi, avtobus, sərnişindaşıma və yükdaşıma xidmətlərinin qiymətlərinə də təsir edə bilər. Çünki mühərrik yağları nəqliyyat vasitələrinin işləməsi üçün vacibdir. Yağlanma prosesi olmasa, avtomobil hərəkət edə bilməz”.

Ekspert bildirib ki, bu, sürtkü yağlarına da aiddir:

“Mühərrik yağları sürtkü yağlarının bir növüdür. Ona görə də onların bahalaşması ümumi iqtisadiyyata mənfi təsir göstərə bilər. Burada əsas məsələlərdən biri bazarda vahid qiymət siyasətinin olmasıdır. Belə bir sistem qiymət fərqlərinin və yağ qıtlığından sui-istifadə hallarının qarşısını almağa kömək edə bilər. Əks halda, bazarda yaranan problemlər nəqliyyat vasitələrinin istismarına da təsir göstərəcək”.

Nəqliyyat eksperti Eldəniz Cəfərov isə qeyd edib ki, dünya bazarında xam neftin qiymətinin dəyişməsi neft məhsullarının da bahalaşmasına səbəb olur:

“Bu proses hələ də artan templə davam edir. Qiymətlərin yenidən artacağını dəqiq deyə bilmərəm. Bu, neftin dünya bazarındakı qiymətindən və daşınma xərclərindən asılıdır. Əgər həmin xərclər artarsa, mühərrik yağlarının qiyməti də yüksələcək”.