İranın Zəncan vilayətində partlamamış sursatın zərərsizləşdirilməsi zamanı baş verən partlayış nəticəsində İran İnqilab Keşikçiləri Korpusunun 14 hərbçisi həyatını itirib.
Çağdaş.Az xəbər verir ki, İran dövlət agentliyinin yaydığı məlumata görə, hadisə Zəncan bölgəsində yerləşən “Ənsar əl-Mehdi” korpusunun həyata keçirdiyi sursat məhv etmə əməliyyatı zamanı baş verib.
Açıqlamada bildirilib ki, güclü partlayış nəticəsində 14 hərbçi ölüb, daha 2 nəfər isə yaralanıb.
İlkin məlumata əsasən, partlayış ABŞ və İsrailin hava hücumlarından sonra ərazidə qalan partlamamış sursatların zərərsizləşdirilməsi zamanı baş verib.
Rəsmi məlumatda partlayışa səbəb olan sursatın növünün hələ dəqiq müəyyən edilmədiyi qeyd olunub.
Bununla yanaşı, bölgədə indiyədək 15 mindən çox partlamamış sursatın aşkarlanaraq zərərsizləşdirildiyi bildirilib.
