İsrailin cənubundakı Netivot şəhərində minlərlə arının hücumu gündəlik həyatı iflic edib. Şəhər mərkəzi boşaldılıb, sakinlərə evlərindən çıxmamaq tövsiyə olunub.
Hadisə ticarət zonasında başlayaraq sürətlə yayılıb. Arı sürüləri o qədər sıx olub ki, bir hərbi təyyarənin mühərrikinə daxil olduqları üçün uçuş ləğv edilib.
Sosial şəbəkələrdə hadisə dini yozumlarla əlaqələndirilsə də, mütəxəssislər bunun təbii proses olduğunu bildirir. Onların sözlərinə görə, yaz mövsümündə arıların yeni yuva tapmaq üçün kütləvi hərəkəti normal haldır.
Rəsmilər isə sakinləri sakit olmağa çağıraraq hadisənin iqlim və mövsümi amillərlə bağlı olduğunu vurğulayıb.(referans media)
