The Athletic” nəşrinin məlumatına görə, Norveç Futbol Assosiasiyasının Prezidenti Lise Klaveness Beynəlxalq Futbol Assosiasiyaları Federasiyasını (FIFA) 2025-ci ildə təsis edilən FIFA Sülh Mükafatını ləğv etməyə çağırıb.
Cagdas.az xəbər verir ki, Klaveness bildirib ki, FIFA siyasi baxımdan neytral qalmalıdır və belə bir mükafatı təqdim etmək üçün nə kifayət qədər səlahiyyətə, nə də resurslara malikdir.
Dekabr ayında idmanda demokratik idarəetmə üzrə ixtisaslaşmış qeyri-kommersiya təşkilatı FairSquare FIFA Prezidenti Gianni Infantino barəsində iddia edilən neytrallıq pozuntuları ilə bağlı təşkilatın Etika Komitəsinə şikayət təqdim edib. Şikayətdə ABŞ Prezidenti Donald Trampa FIFA Sülh Mükafatının verilməsi məsələsinin araşdırılması tələb olunub.
Qeyd edək ki, Tramp 2026-cı il dünya çempionatının püşkatma mərasimi zamanı FIFA Sülh Mükafatının ilk laureatı olub. FIFA bu mükafatın hər il sülh naminə insanları bir araya gətirən və bu istiqamətdə mühüm nailiyyətlər qazanan şəxslərə təqdim ediləcəyini açıqlayıb.(sfera.az)
