Son dəqiqə
Yollarda görünüş məsafəsi məhdudlaşacaq Sovet dövrünün binaları dövlət hesabına təmir olunsun – Deputat Prezidentin sosial şəbəkə hesablarına hücumun detalları açıqlanıb Nəsimi Musayevin məhkəməsinin yeri bilindi – İrəvanda olmayacaq Ölkələr Rusiya ilə əməkdaşlığı bərpa edir: BMT-də yeni vəziyyət Gənclərin ipoteka problemi parlamentə DAŞINIR Hakan Fidan Brüsseldə almaniyalı həmkarı ilə görüşüb Əhaliyə şad xəbər: qaz və işıq limitlərinə yenidən baxılması MÜZAKİRƏ EDİLİR Bakıda 5 milyonluq əmlak sahibindən xəbərsiz söküldü – Amma gör kimi məhkəməyə veriblər! KKTC Prezidenti Erhürman İsveç səfiri ilə Kipr məsələsini müzakirə edib

Metro ilə sərnişin daşınması azalıb, avtobusla artıb

Cəmiyyət

Metroda aparılan yeni tikinti işləri ilə əlaqədar mərkəzi stansiyalar arasında əlaqənin kəsilməsi bu nəqliyyat növü ilə sərnişin daşınmasının azalmasına, əvəzində avtobuslarla sərnişin daşınmasının daha çox artmasına səbəb olub.

Cagdas.az statistik məlumatlara istinadən xəbər verir ki, 2026-cı ilin yanvar-avqust ayları ərzində metrodan 141 578 000 sərnişin istifadə edib.

Əvvəlki ilin eyni dövrünə nisbətən metrodan istifadə edən sərnişin sayı 0,7 faiz və ya 1 milyon azalıb.

Amma avtobuslardan istifadə edənlərin sayı kəskin artıb. Bu ilin səkkiz ayında avtobuslardan 1,281 milyarddan çox sərnişin istifadə edib. Bir il əvvəlki dövrə nisbətən avtobusdan istifadə edənlərin sayı 11 faiz və ya 127 milyon sərnişin artıb.

Qeyd edək ki, avtobuslarda sərnişindaşımaya aid statistik məlumat bütün ölkə üzrə göstəriciləri əhatə edir. Lakin nəzərə alsaq ki, avtobuslarla sərnişin daşınmasının 50 faizi Bakının payına düşür və metrodakı tikinti ilə əlaqədar paytaxtda avtobuslardan daha çox istifadə edilir, deməli avtobuslardan istifadə edən sərnişinlərin sayındakı böyük artım məhz Bakıdakı göstəricilərdəki dəyişikliklə bağlıdır. Böyük ehtimalla bu səbəbdən qarşıdakı aylarda avtobuslardan istifadə edən sərnişin sayı daha da artacaq.\sfera.az\