Türkiyənin keçmiş Baş naziri, Gələcək Partiyasının sədri Əhməd Davudoğlu barədə araşdırma başladılıb.
Cagdas.az xəbər verir ki, Ankara Respublika Baş Prokurorluğu Davudoğlunun sosial şəbəkələrdə paylaşdığı və Türkiyə Prezidenti Rəcəb Tayyib Ərdoğana qarşı təhqir xarakterli ifadələr ehtiva etdiyi qiymətləndirilən sözləri ilə bağlı istintaq başladıb.
Bildirilib ki, Davudoğlu barəsində Türkiyə Cinayət Məcəlləsinin prezidentə təhqiri nəzərdə tutan 299-cu maddəsinin 1-ci bəndi əsasında araşdırma aparılır. Həmin maddəyə əsasən prezidentə təhqir cinayətinə görə 1 ildən 4 ilədək həbs cəzası nəzərdə tutulur.
Qeyd edək ki, Əhməd Davudoğlu 2014-2016-cı illərdə Türkiyənin baş naziri olub. O, həmçinin uzun illər Ədalət və İnkişaf Partiyasının (AKP) rəhbərliyində təmsil olunub.\modern.az\
