Amerika hakimiyyəti BMT Baş Assambleyasının (BA) 81-ci sessiyasının Ümumi Debatında iştirak edən İran nümayəndə heyətinin tərkibində olan iki diplomatı ABŞ-dan qovub.
Çağdaş.Az xəbər verir ki, məlumatı Axios yayıb.
ABŞ rəsmiləri arasında bir mənbə portala qeyd edib: “İran nümayəndə heyətinin daha iki üzvü BMT Baş Assambleyasının işinin bitməsindən çox sonra Nyu-Yorkda tapılıb. Onlar artıq ölkədən qovulublar.”
Məqalədə diplomatların birinin oktyabrın 2-də, digərinin isə 3-də ABŞ-ı tərk etdiyi aydınlaşdırılıb.
Axios-un məlumatına görə, bu, münaqişənin həlli üçün səylərin faydasız olduğunu və hərbi əməliyyatların davam etmə ehtimalının artdığını göstərir.
Portalın əvvəllər mənbələrə istinadən verdiyi məlumata görə, 28 sentyabrda ABŞ dövlət katibi Marko Rubio İranın BMT Baş Assambleyasındakı nümayəndə heyətinin ikitərəfli danışıqların çıxılmaz vəziyyətə düşməsindən sonra dərhal ölkəni tərk etməsini tələb edib.
Daha sonra İranın BMT-dəki Daimi Nümayəndəliyi Baş Assambleyanın Yüksək Səviyyəli Həftəsində iştirak etmək üçün ABŞ-a gələn İran nümayəndə heyətinin əvvəlcədən planlaşdırıldığı kimi 28 sentyabrda Nyu-Yorkdan yola düşdüyünü açıqlayıb./Musavat.com/
