İran ABŞ-ın vasitəçilər üzərindən təqdim etdiyi yeni atəşkəs təklifini qəbul etməyib.
Çağdaş.Az xəbər verir ki, bu barədə “The New York Times” mənbələrə istinadən məlumat yayıb.
Məlumata görə, Vaşinqtonun təklifi İraqın Baş naziri Əli əz-Zeydi vasitəsilə Tehrana çatdırılıb. Lakin İran rəsmiləri müvəqqəti razılaşmada maraqlı olmadıqlarını, çünki belə bir sazişin Hörmüz boğazı ilə bağlı problemi həll etmədiyini bildiriblər.
Qəzet atəşkəs təklifinin konkret şərtləri barədə əlavə məlumat verməyib.
Qeyd edək ki, İraqın Baş naziri ötən həftənin sonunda ABŞ-a səfər edərək Prezident Donald Trampla görüşüb. Daha sonra isə İran Prezidenti Məsud Pezeşkianın dəvəti ilə Tehrana rəsmi səfər edib.
