“Qalatasaray”ın qabonlu futbolçusu Mario Lemina bir müddət əvvəl Lamine Yamal haqqında səsləndirdiyi fikirlərə münasibət bildirib.
Çağdaş.Az xəbər verir ki, Lemina ötən mövsüm ona ünvanlanan “Lamin Yamal, yoxsa Leroy Sane?” sualına zarafatla belə cavab vermişdi:
“Bir dəqiqə! Lamine Yamal kimdir? Mən yalnız Saneni tanıyıram. Lamine Yamal adlı birini tanımıram.”
Qabonlu yarımmüdafiəçi indi isə həmin sözlərinin yanlış başa düşüldüyünü bildirib.
“Bu, sadəcə əyləncə məqsədli zarafat idi, oyunun bir hissəsidir. Burada heç bir hörmətsizlik yox idi. Bu, şou xarakteri daşıyır. ‘Qalatasaray’ hazırda yüksəliş dövrünü yaşayır”, – deyə Lemina vurğulayıb.
