Misli Premyer Liqasında XIII turun növbəti oyunları keçiriləcək.
Cagdas.az xəbər verir ki, bu gün iki qarşılaşma baş tutacaq.
Açılış oyununda “İmişli” “Sabah”ı qəbul edəcək. Qarşılaşma saat 14:30-da start götürəcək.
Günün ikinci oyununda “Qarabağ” klubu öz meydanında “Karvan-Yevlax” komandası ilə üz-üzə gələcək. Bu matç saat 17:00-da başlayacaq.
Misli Premyer Liqasının XIII turuna noyabrın 30-da yekun vurulacaq.
Qeyd edək ki, Misli Premyer Liqasının XIII-cü turu çərçivəsində dünən keçirilən oyunlarda “Kəpəz” evində “Zirə”yə 0:2 hesabı ilə məğlub olub.
Tovuz şəhər stadionunda baş tutan oyunda “Turan Tovuz” “Neftçi”ni qəbul edib. Matçda qalib müəyyənləşməyib və oyun 0:0 hesabı ilə başa çatıb.
Misli Premyer Liqası
29 noyabr 2025-ci il tarixində XIII tur çərçivəsində keçiriləcək matçlar.
14:30. “İmişli” – “Sabah”
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.
VAR: Rauf Cabarov.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Elgiz Abbasov.
Quba OİK stadionu.
17:00. “Qarabağ” – “Karvan-Yevlax”
Hakimlər: Kamranbəy Rəhimov, Eyyub İbrahimov, Zöhrab Abbasov, Kamran Əliyev.
VAR: Cavid Cəlilov.
AVAR: Kamran Bayramov.
Hakim-inspektor: Ömər Paşayev.
AFFA nümayəndəsi: Nəriman Axundov.
“Azersun Arena”.
