“İranın ali rəhbəri Müctəba Xameneinin səhhəti qaydasındadır. Lakin onun ətrafında təhlükəsizlik tədbirləri gücləndirilib, çünki İsrailin mümkün sui-qəsd təhlükəsi var”.
Çağdaş.Az xəbər verir ki, bu barədə “Financial Times” (FT) məlumat yayıb.
“İranlı diplomatlar deyirlər ki, hakimiyyət ictimaiyyətə “heç nə dəyişməyib” görüntüsü verməyə çalışır. Yəni ali liderin həm sağ olduğu, həm də sistemi idarə etdiyi göstərilir.
ABŞ-ın keçmiş rəsmisi və Con Hopkins Universitetinin professoru Vali Nasrın sözlərinə görə, sistem elə qurulub ki, Xamenei hələ də hakimiyyətin mərkəzidir və hər şeyi idarə edir”, – deyə bildirilib.
Nəşr yazır ki, Xameneinin ətrafında xüsusi idarəetmə sistemi yaradılıb:
“Buraya hərbçilər, siyasətçilər və keçmiş məmurlardan ibarət iki koordinasiya komitəsi daxildir. Ali rəhbərin təhlükəsizliyinə isə İslam İnqilabı Keşikçiləri Korpusu (SEPAH) cavabdehdir”./Globalinfo.az/
