Rusiya Federasiyasının Baytarlıq və Fitosanitar Nəzarət üzrə Federal Xidməti (“Rosselxoznadzor”) 22 may 2026-cı il tarixindən etibarən Ermənistandan gül idxalına müvəqqəti məhdudiyyətlər tətbiq edəcək.
Çağdaş.Az xəbər verir ki, bu barədə qurumun bəyanatında bildirilib.
İstixanalarda aparılan yoxlamalar yekunlaşana və əldə olunan nəticələr təhlil edilənədək Ermənistandan Rusiyaya idxal olunan və tranzitlə göndərilən gül məhsullarına məhdudiyyət qüvvədə qalacaq.
Qurum qeyd edib ki, bu addım Rusiyanın fitosanitar təhlükəsizliyinin təmin olunması və ölkənin ixrac imkanlarının qorunması məqsədilə atılıb./Publika.az
