ABŞ Prezidenti Donald Tramp Vaşinqton və Tehran arasında aparılan danışıqların nəticəsinin yaxın 48 saat ərzində məlum olacağını bildirib.
Cagdas.az xəbər verir ki, Tramp jurnalistlərə açıqlamasında ABŞ-la İran arasında danışıqların taleyinə qısa müddətdə aydınlıq gələcəyini deyib.
“Biz bunu 48 saat ərzində biləcəyik”, – deyə ABŞ prezidenti vurğulayıb.
Tramp qeyd edib ki, əgər İran yenidən əvvəlki mövqeyindən geri çəkilərsə, bunun ciddi nəticələri olacaq.
“Onlar buna görə ağır bədəl ödəyəcəklər. Bunu bilirlər və başa düşürlər”, – deyə o əlavə edib.
ABŞ prezidenti həmçinin Hörmüz boğazındakı vəziyyətə də toxunub. Onun sözlərinə görə, boğaz artıq qismən açıqdır və ABŞ bu strateji su yoluna tam nəzarət edir.(modern.az)
