Son dəqiqə
BYD-nin Avropada satış və istehsalı qadağan edildi Azərbaycanla bu ölkə arasında viza rejimi ləğv edildi “Qoca qitə”də qorxunc müharibə kabusu: NATO geri çəkilir, Rusiya isə hücuma keçir Həftənin ilk iş günü hava necə olacaq? Prezident İlham Əliyev Jozef Aunu milli bayram münasibətilə təbrik edib Corc Vaşinqtonun saçından bir tutam 4 min dollara satıldı ABŞ-ın məşhur beyin mərkəzi kiberhücuma məruz qaldı – donor məlumatları TƏHLÜKƏDƏ Vens: “İran müharibəsi ilə bağlı mənim vəzifəm prezidentə dəstək olmaqdır” Pezeşkian: “İranda səssiz müharibə gedir, iqtisadi savaş daha çətindir” Məşhur iqtisadçı ABŞ-ı Rusiya ilə bağlı siyasətini dəyişməyə çağırdı

Bəzi sürücülərə cərimələr yeni qayda ilə çatdırılacaq

Cəmiyyət

Azərbaycanda traktorlar və digər kənd təsərrüfatı texnikası ilə bağlı xidmətlər göstərilərkən inzibati xətalar haqqında işlər üzrə sənədlərin çatdırılması qaydalarına dəyişiklik edilib.

Çağdaş.Az-ın məlumatına görə, bununla bağlı müvafiq qərar imzalanıb.

Qərara əsasən, traktorların və digər mexaniki nəqliyyat vasitələrinin idarə olunması üçün imtahanların qəbulu və sürücülük vəsiqələrinin verilməsi, texnikanın dövlət qeydiyyatına alınması və dövlət texniki baxışının keçirilməsi ilə bağlı təlimatların müvafiq müddəalarına İnzibati Xətalar Məcəlləsinin 57.6.3-cü maddəsinə istinad əlavə edilib.

Dəyişiklik yol hərəkəti və yol hərəkəti təhlükəsizliyinin təmin edilməsi qaydaları əleyhinə olan inzibati xətalarla bağlı sənədlərin şəxsə çatdırılmasının mümkün olmadığı halları əhatə edir. Belə sənədlər qeyd olunan xidmətlər göstərilərkən şəxsə təqdim edilə biləcək.

İstinad edilən maddəyə əsasən, müvafiq qərarlar şəxsin elektron kabinetində qeyd olunan mobil telefon nömrəsinə SMS göndərildiyi andan rəsmi qaydada təqdim edilmiş hesab olunur. Elektron kabinetdə mobil telefon nömrəsi olmadıqda isə qərar şəxs kabinetdə yerləşdirilmiş sənədlərlə və onların əlavələri ilə tanış olduğu vaxtdan rəsmi qaydada verilmiş sayılır.

Qərar “Yol hərəkəti haqqında” Qanuna edilmiş dəyişikliyin icrasını təmin etmək məqsədilə qəbul olunub./Oxu.az