İran parlamentinin sədri Məhəmməd Baqir Qalibaf ABŞ-nin İranın neft ixracının qarşısını almaq cəhdlərinə münasibət bildirib.
Cagdas.az xəbər verir ki, Qalibaf ABŞ-nin “X” sosial media platformasındakı hesabında iyulun 22-də paylaşdığı açıqlamanı yenidən yayımlayıb.
İran parlamentinin sədri ABŞ-nin İranın neft ixracına mane olmaq cəhdlərinə toxunaraq, ölkəsinin mövqeyinin açıq olduğunu bildirib:
“Döyüşün tənliyi aydındır: ya hamı, ya heç kim. Bizim neft sata bilmədiyimiz bir bölgədə heç kim neft sata bilməyəcək”.
Qalibaf İranın infrastrukturlarının təhlükəsizliyinin təmin olunmadığı müddətdə bölgədə heç bir infrastrukturun təhlükəsiz olmayacağını vurğulayıb.
O, həmçinin Hörmüz boğazının təhlükəsizliyinin bölgədə ABŞ qüvvələrinin mövcudluğundan asılı olduğunu qeyd edib:
“İranın infrastrukturu təhlükəsiz olmadığı müddətdə heç bir infrastruktur təhlükəsiz olmayacaq. Hörmüz boğazının təhlükəsizliyi bölgədə Amerika qüvvələrinin olmamasından asılıdır. Boğazın əvvəlki vəziyyətinə qayıtmayacağını dəfələrlə demişik”.\sfera.az\
